ԱրցախբանկՆվաճենք բարձունքները միասին

Ծառայություններ ԱՆՀԱՏՆԵՐ Ավանդներ ԸՆԴՀԱՏՄԱՆ հնարավորությամբ ավանդ





«Արցախբանկ» ՓԲԸ ավանդատեսակների տեղեկատվական ամփոփագիր

Ավանդի արժույթը ՀՀ դրամ ԱՄՆ դոլար
Նվազագույն գումարը 500,000 1,000
Առավելագույն գումարը 50,000,000 100,000
Ժամկետ 730 օր  730 օր
Տարեկան տոկոսադրույք, %
անվանական APY* անվանական APY*
  9.75 10.18 4.50  
Տոկոսագումարի վճարում    ամսական    
Գումարի ավելացում  չի թույլատրվում   
Գումարի նվազեցում չի թույլատրվում
ՀԱՏՈՒԿ ՊԱՅՄԱՆՆԵՐ
Ավանդատուի պահանջով ավանդի գումարի ժամկետից շուտ ստանալու դեպքում վճարվում են հետևյալ տորոսադրույքները
  մինչև 180 օր 181-270 օր 271-365օր 366-550 օր 551 օր և ավելի
ՀՀ դրամ ցպահանջ  6.00 7.75 8.00 8.75
ԱՄՆ դոլար  2.00 3.00  3.50 4.00 

* APY` տարեկան տոկոսային եկամտաբերություն:

Ոչ ռեզիդենտ հաճախորդների կողմից ներդրվող ավանդների պայմանները կարող են սահմանվել յուրաքանչյուր հաճախորդի հետ առանձին բանակցման միջոցով, որոնք կարող են տարբերվել Բանկի կողմից հրապարակված ավանդների ներգրավման վերոնշյալ ընդհանուր պայմաններից:

Ավանդը կարող է ներդրվել Բանկ որոշակի երրորդ անձի անունով:

Ավանդատուներին հնարավորություն է ընձեռնվում ստանալ սպառողական վարկ` ներդրված ավանդի գումարի մինչև 100%-ի չափով: 


Ավանդի գումարին տոկոսների հավելագրում, վճարում

Ավանդի գումարի դիմաց տոկոսները հավելագրվում են ավանդի Բանկ մուտք լինելուն հաջորդ օրվանից մինչև Ավանդատուին վերադարձնելու կամ Ավանդատուի ավանդային հաշվից այլ հիմքերով դուրս գրելու օրվան նախորդող օրը: Հաշվարկներում օգտագործվող տարվա օրերի քանակն ընդունվում է 365, իսկ նահանջ տարին՝ 366:

ՈՒՇԱԴՐՈՒԹՅՈՒՆ` Ձեր հաշվում առկա միջոցների նկատմամբ տոկոսագումարները հաշվարկվում են անվանական տոկոսադրույքի հիման վրա: Իսկ տարեկան տոկոսային եկամտաբերությունը ցույց է տալիս, թե որքան եկամուտ կստանայիք Դուք, եթե Ձեր ավանդի դիմաց ստացված տոկոսագումարները վերաներդնեիք ավանդի տեսքով:

Ավանդների տարեկան տոկոսային եկամտաբերության հաշվարկման կարգը

Ավանդի պայմանագրով որոշված այն ավանդի համար տոկոսների չափը, որը Հաճախորդը ներդրել է որոշակի ժամկետի ավարտից կամ պայմանագրով նախատեսված հանգամանքները վրա հասնելուց հետո այն հետ ստանալու պայմանով, պայմանագրի գործողության ժամկետում մնում է անփոփոխ:

Երբ ավանդը Ավանդատուի պահանջով վերադարձվում է մինչև 90 օրը, Ավանդատուի տոկոսները վճարվում են Բանկի կողմից ցպահանջ ավանդների համար սահմանված հետևյալ չափերով.

- ՀՀ դրամ` 1.0%.
- ԱՄՆ դոլար` 0.5%.

իսկ ավանդի գումարից գանձվում է արդեն իսկ վճարված տոկոսագումարների և վճարման օրվա դրությամբ Բանկում գործող ցպահանջ ավանդի սահմանված տոկոսադրույքով հաշվարկված տոկոսագումարի տարբերությունը: Նաև, եթե Ավանդատուին տրամադրվել էր վարկ, ապա առանց Ավանդատուի լրացուցիչ հանձնարարության կամ կարգադրության ավանդի միջոցների հաշվին փակվում են վարկը և հավելագրված տոկոսագումարները:

Ավանդատուին տոկոսագումարները վճարվում են Ավանդի արժույթով, բացառությամբ եթե Ավանդատուն տոկոսագումարի վճարման օրը ցանկություն է հայտնել արտարժութային Ավանդի դիմաց հավելագրված տոկոսագումարները ստանալ ՀՀ դրամով: Ընդ որում, արտարժութային ավանդի դիմաց հավելագրված տոկոսագումարները ՀՀ դրամով  վճարելու դեպքում փոխարկումն իրականացվում է տվյալ արտարժույթի համար վճարման պահին Բանկի կողմից սահմանված առքի փոխարժեքով:

Ավանդների գծով հաշվարկված տոկոսագումարների վճարումն իրականացվում է անկանխիկ եղանակով: Ավանդի գումարի վրա հավելագրված տոկոսները փոխանցվում են Բանկում սպասարկվող Ավանդատուի բանկային կամ քարտային հաշվին: Ընդ որում, քարտային հաշվին հավելագրված տոկոսների գումարը մուտքագրվում է ավանդային պայմանագրով սահմանված տոկոսների վճարման ժամկետին հաջորդող առաջին բանկային օրը:

Ավանդի դիմաց հաշվարկված տոկոսները, ինչպես նաև որպես ավանդ կանխիկ մուտքագրված միջոցները Ավանդատուին կանխիկ վճարելիս միջնորդավճար չի գանձվում:

Որպես ավանդ անկանխիկ մուտքագրված միջոցների կանխիկացման դեպքում գանձվում է միջնորդավճար. ՀՀ դրամով` 0.3%, ԱՄՆ դոլարով` 0.5%: 

Ավանդի գործողության ժամանակահատվածում Բանկում Հաճախորդի բանկային հաշիվները պահպանվում են անվճար՝ անկախ հաշվով գործարք չկատարելու վաղեմությունից:


Ավանդի վերադարձ/երկարաձգում

Բանկային ավանդի պայմանագրով Բանկն ավանդի գումարը կամ դրա մի մասը վերադարձնում է Ավանդատուին նրա առաջին իսկ պահանջի դեպքում, բացառությամբ օրենսդրությամբ նախատեսված այլ դեպքերի:

Ավանդի վերադարձման օրը Բանկն ավանդը փոխանցում է Ավանդատուի բանկային հաշվին, որի դիմաց հաշվեգրվում է տվյալ պահին Բանկում գործող բանկային հաշվի համար սահմանված տոկոսադրույքը:

Բանկում Հաճախորդի ավանդային հաշվի պահպանումը՝ անկախ հաշվով գործարք չկատարելու վաղեմության կատարվում է անվճար:

Երբ Ավանդատուն ժամկետի ավարտից հետո չի պահանջում վճարել ավանդի գումարը կամ պայմանագրով նախատեսված հանգամանքները երևան գալուց հետո վերադարձնել այլ պայմաններով ներդրված ավանդի գումարը, ապա պայմանագիրը համարվում է դադարեցված: Ավանդի վերադարձման օրը Բանկն ավանդը փոխանցում է Ավանդատուի բանկային հաշվին, որի դիմաց հաշվեգրվում են տվյալ պահին Բանկում գործող բանկային հաշվի համար սահմանված տոկոսադրույքը: Ընդ որում, հաշվի սպասարկումն` ավանդի մարմանը հաջորդող 31-րդ օրվանից սկսած, իրականացվում է մնացյալ նմանատիպ հաշիվների սկզբունքով` համաձայն Բանկի կողմից մատուցվող ծառայությունների ընդհանուր պայմանների և սակագների: 

Եթե ավանդի վերադարձի օրը համընկնում է ոչ աշխատանքային օրվա հետ, ապա վերադարձը կատարվում է ոչ աշխատանքային օրվան հաջորդող առաջին օրը` ոչ աշխատանքային օրերի համար վճարելով տոկոսներ:

Ավանդը, դրա մի մասը և/կամ դրա վրա հաշվեգրված տոկոսները ստանալիս` Ավանդատուն Բանկ է ներկայացնում անձը հաստատող փաստաթղթերով և Բանկային ավանդի պայմանագրի իր օրինակով:

Ներգրավված ավանդներից ստացված եկամուտները ենթակա են հարկման համաձայն "Եկամտային հարկի մասին" ՀՀ/ԱՀ օրենքների:


Վեճերի լուծման կարգը

Ավանդային պայմանագրի կապակցությամբ ծագած վեճերը լուծվում են բանակցությունների միջոցով։ Համաձայնություն ձեռք չբերելու դեպքում վեճերը լուծվում են օրենսդրությամբ սահմանված կարգով` դատական եղանակով, ֆինանսական համակարգի հաշտարարի կամ արբիտրաժային տրիբունալի միջոցով` արբիտրաժային համաձայնություն կնքված լինելու դեպքում:

10 մլն ՀՀ դրամը կամ դրան համարժեք արտարժույթով գումարը չգերազանցող գույքային պահանջի դեպքում ծագած վեճերն ու տարաձայնությունները կարող են լուծվել Ֆինանսական համակարգի հաշտարարի միջոցով:

Բանկի և  ֆինանսական համակարգի հաշտարարի գրասենյակի միջև կնքված պայմանագրի համաձայն, Բանկը հրաժարվում է Ֆինանսական համակարգի հաշտարարի որոշումները վիճարկելու իրավունքից միայն այն գույքային պահանջների մասով, որոնց չափը չի գերազանցում 250,000 (երկու հարյուր հիսուն հազար) ՀՀ դրամը կամ  համարժեք արտարժույթը և գործարքի գումարի ընդհանուր չափը չի գերազանցում 500,000 (հինգ հարյուր հազար) ՀՀ դրամը կամ համարժեք արտարժույթը:


Քաղվածքների և այլ տեղեկությունների տրամադրում

Բանկը ավանդային պայմանագրի ուժի մեջ մտնելու պահից 30-օրյա պարբերականությամբ Ավանդատուին անվճար տրամադրում է Ավանդային հաշվի քաղվածք օրենքով սահմանված ձևով: Այլ դեպքերում քաղվածքները, դրանց կրկնօրինակները և այլ տեղեկությունները տրամադրվում են Բանկում գործող հետևյալ սակագներով.

  • Ավանդային հաշվի՝ մեկ ամսից ավելի վաղեմության քաղվածքի տրամադրում՝ 1,000 ՀՀ դրամ (ներառյալ ԱԱՀ):
  • Ավանդային հաշվի վերաբերյալ վճարային փաստաթղթերի պատճենների տրամադրում՝ յուրաքանչյուր փաստաթղթի համար.
    • Յուրաքանչյուր գործարքից հետո՝ 0 ՀՀ դրամ,
    • Մինչև 30 օր վաղեմություն ունեցող՝ 500 ՀՀ դրամ (ներառյալ ԱԱՀ),
    • 31 օրից մինչև 1 տարի վաղեմություն ունեցող՝ 2,000 ՀՀ դրամ (ներառյալ ԱԱՀ),
    • Մեկ տարուց ավելի վաղեմություն ունեցող՝ 3,000 ՀՀ դրամ (ներառյալ ԱԱՀ):
  • Փաստաթղթերի և քաղվածքների առաքում (կիրառվում է ի հավելումն տրամադրման սակագնին).
    • ֆաքսով (մեկ էջի համար)` 1,800 ՀՀ դրամ (ներառյալ ԱԱՀ),
    • Էլ.փոստով` 0 ՀՀ դրամ,
    • փոստային եղանակով՝ 500 ՀՀ դրամ (ներառյալ ԱԱՀ),
    • պատվիրված առաքման ծառայության միջոցով/DHL և այլն/-ով` 35,000 ՀՀ դրամ (ներառյալ ԱԱՀ)


Ավանդի վերադարձի ապահովումը և հատուցման երաշխավորումը

Ֆիզիկական անձանց ավանդների հատուցումը երաշխավորվում է Ավանդների հատուցումը երաշխավորող հիմնադրամի կողմից:

Երաշխավորված ավանդի չափերը սահմանվում են «Ֆիզիկական անձանց բանկային ավանդների հատուցումը երաշխավորելու մասին» ՀՀ օրենքով:

Ավանդների երաշխավորվածությունը և հատուցման ենթակա չափերը

 

Ընդհատման հնարավորությամբ ավանդի պայմանագրի օրինակելի ձև

Ընդհատման հնարավորությամբ հօգուտ երրորդ անձի պայմանագրի օրինակելի ձև


Ֆինանսական օգնական 



Էջը թարմացվել է 2018-10-25 13:53:42




 
USD 482.50 485.25 484.70
EUR 547.00 554.00 553.96
RUB 7.25 7.40 7.38
CHF 482.00 489.00 488.17
GBP 612.00 623.00 622.16
GEL 165.00 205.00 181.03
CAD 354.00 368.00 367.78
 
USD 482.50 485.25 484.70
EUR 547.00 554.00 553.96
RUB 7.26 7.43 7.38
CHF 483.00 489.50 488.17
GBP 613.00 625.00 622.16
GEL - - 181.03
CAD - - 367.78

Արխիվ Թարմացվել է 21.11.2018 09:34


 
XAU 1գրամ - 32000.00
XAU 50 գրամ - 1200000.00
XAU 1000 գրամ - 21125000.00
XAG1000 գրամ - 375000.00
XAU 1 գրամ - -
XAU 50 գրամ - -
XAU 1000 գրամ - -
XAG1000 գրամ - -

Արխիվ Թարմացվել է 21.11.2018 09:35