• Արցախբանկ Մոբայլ

Արցախբանկ Մոբայլ

• Artsakhbank Mobile հավելվածի միջոցով արագ և հարմարավետ կարող եք.
  • Դիտել
    • քարտերի, հաշիվների մնացորդներն ու գործարքները
    • ծախսերի վիճակագրությունը
    • մոտակայքում գտնվող մասնաճյուղերի և բանկոմատների ցանցը
  • Կատարել
    • հաշիվների արագ և ապահով կառավարում
    • ներբանկային և միջբանկային դրամական փոխանցումներ ՀՀ տարածքում առանց միջնորդավճարի
    • քարտից քարտ փոխանցում (card2card)` ArCa համակարգի անդամ հանդիսացող բանկերի քարտերին
    • հարկերի վճարումներ
    • կոմունալ վճարումներ
    • ճանապարհային ոստիկանության տուգանքների  վճարումներ
    • արտարժույթի փոխարկում
    • նվիրաբերություն «Զինծառայողների ապահովագրության» հիմնադրամին
    • մարել գործող վարկերը, դիտել մարումների ժամանակացույցը, ստանալ վարկերի վերաբերյալ տեղեկատվություն
    • մարել Բանկում սպասարկվող այլ հաճախորդի վարկ՝ վարկային կոդով
    • համալրել ավանդները, ստանալ ավանդների վերաբերյալ տեղեկատվություն
  • Ստեղծել փաստաթղթերի ձևանմուշներ
  • Ձևավորել քարտերի, հաշիվների, ավանդների գծով կատարված գործարքների գծով քաղվածքներ
  • Ստանալ ծանուցումներ, նորություններ
  • Կապ Բանկի հետ
• Անվտանգության և գաղտնիության կանոններ
  • Հաճախորդի նույնականացումն իրականացվում է ըստ նույնականացման տվյալների՝ օգտանունի, գաղտնաբառի (ծածկագիր), SMS հաղորդագրությամբ ուղարկվող ունիկալ կոդի և նույնականացման այլ տվյալների, օրինակ անցակոդի, բիոմետրիկ տվյալների նույնականացմաբ կախված մոբայլ սարքի հնարավորությունից և այլն:
    
    Ծածկագրին ներկայացվում են հետևյալ պահանջները`
    
      • ծածկագիրը պետք է ունենա առնվազն 8 սիմվոլ երկարություն
      • ծածկագիրը պետք է բաղկացած լինի առնվազն տառերից և թվերից
      • ծածկագրում օգտագործվող տառերը պետք է լինեն լատինատառ
      • ծածկագիրը պետք է փոփոխել առնվազն 6 ամիսը մեկ անգամ:
     
  • Նույնականացման տվյալները՝ օգտանունը և գաղտնաբառը, Հաճախորդին տրամադրելու պահից դրանց անվտանգ և գաղտնի պահպանության պատասխանատվությունը ստանձնում է Հաճախորդը:
  • Նույնականացման տվյալների մուտքագրումն Artsakhbank Mobile հավելված ունի բնօրինակ ստորագրման հավասարազոր իրավական ուժ և դրա մուտքագրումը հիմք է Բանկի համար՝ ծրագրով կատարված գործարքների իրականացման համար: Հաճախորդը պատասխանատվություն է կրում հավելված մուտք գործելու և հավելվածից դուրս գալու միջև ընկած ժամանակահատվածում իր և իր կողմից լիազորված անձի կողմից տրված բոլոր հրահանգների համար:
    
      • Հաճախորդը պարտավոր է ձեռնարկել բոլոր խելամիտ կանխարգելիչ գործողությունները՝ մոբայլ սարքի և իր տվյալների անվտանգությունն ապահովելու, ինչպես նաև զեղծարարությունը կանխարգելու համար
      • խստորեն պահպանել հավելված մուտք գործելու օգտանունի, գաղտնաբառի և այլ նույնականացման տվյալների գաղտնիությունը
      • չընտրել այնպիսի անվտանգության տվյալներ, որոնք հեշտությամբ հնարավոր է կռահել
      • ուշադիր լինել, որպեսզի անվտանգության տվյալները օգտագործելիս տեանելի չլինեն երրորդ անձի համար
      • չհայտնել անվտանգության տվյալները երրորդ անձանց
      • անմիջապես փոխել անվտանգության տվյալները երրորդ անձանց հասանելի դառնալու ցանկացած կասկածի դեպքում
      • անվտանգության տվյալները և մոբայլ սարքը պահել ապահով տեղում
      • հավելված մուտք գործելուց հետո մոբայլ սարքը պահել տեսադաշտում և թույլ չտալ այլ անձանց այն օգտագործել
      • հավելվածում աշխատանքն ավարտելուց հետո դուրս գալ հավելվածից/ելք/ հավելվածից, և ուշադիր լինել, որպեսզի հավելվածը ակտիվ վիճակում չմնա, երբ այն չի օգտագործվում
      • հետևել մոբայլ սարքի օպերացիոն համակարգն արտադրողի անվտանգության կանոններին, որոնք վերաբերում են հավելվածը կամ մոբայլ սարքը օգտագործելուն (միևնույն ժամանակ ոչ մի դեպքում չտրամադրել նրանց անվտանգության տվյալների կամ ունեցած հաշիվների մասին տեղեկատվություն)
      • ձեռնարկել անհրաժեշտ կանխարգելիչ գործողություններ սարքը վիրուսներից և այլ վնասակար ծրագրերից զերծ պահելու համար
      • բջջային հեռախոսահամարի կամ կոնտակտային այլ տվյալների փոփոխության դեպքում անհապաղ տեղեկացնել Բանկին:
    
    ! Բանկը երբեք չի դիմի հաճախոդին (կամ Բանկի անունից Հաճախորդի հետ կապվ հաստատելու համար չի օգտվի երրորդ անձի ծառայությունից) Հաճախորդի անվտանգության տվյալները ամբողջությամբ տրամադրելու խնդրանքով: Եթե ինչ-որ մեկը դիմի նմանատիպ խնդրանքով (նույնիսկ եթե օգտագործեն Բանկի անունը և ապրանքանիշը, որոնք շատ նման կլինեն իրականին), ապա դա, ամենայն հավանականությամբ, զեղծարարություն է, և ոչ մի դեպքում չպետք է անվտանգության տվյալները հայտնել նրանց: Միևնույն ժամանակ, ցանկացած նման դեպքի մասին պետք է անմիջապես տեղյակ պահել Բանկին:
  • Artsakhbank Mobile ծառայությունը ակտիվացվում է ֆիզիկական անձանց համար՝ Ինտերնետ Բանկինգ ծառայության հետ զուգահեռ:
• Ինչպես ակտիվացնել Artsakhbank Mobile հավելվածը
  • Դիմեք Բանկի ցանկացած մասնաճյուղ Ինտերնետ Բանկ համակարգին և Արցախբանկ Մոբայլ հավելվածին միանալու համար, այնուհետև ներբեռնեք Artsakhbank Mobile հավելվածը: Բանկի  կողմից ձեզ կտրամադվի օգտանուն, ինչպես նաև Ձեր հեռախոսահամարին կուղարկվի կարճ հաղորդագրություն՝ ծառայությունը ակտիվացնելու համար մեկանգամյա օգտագործման գաղտնաբառ: Հավելված բարեհաջող մուտք գործելուց հետո համակարգը կպահանջի փոխել գաղտնաբառը և սահմանել անցակոդ, որը պետք է հիշել՝ յուրաքանչյուր մուտքի և գործարքների հաստատման համար: Հավելվածը հնարավորություն է տալիս մուտք գործել և հաստատել գործարքները մատնահետք՝ TouchID կիրառելով, iOS համակարգի դեպքում նաև Face ID:
  • Եթե Դուք արդեն Ինտերներ Բանկ համակարգի օգտատեր եք, ապա ներբեռնեք Artsakhbank Mobile հավելվածը և մուտք գործեք Մոբայլ Բանկինգ համակարգ մուտքագրելով Ձեր՝ Ինտերնետ Բանկ համակարգի համար գործող օգտատիրոջ անվանումը (username) և գաղտնաբառը (password).
• Ինչպես վերաթողարկել գաղտնաբառը
  • Գաղտնաբառի վերաթողարկելու համար անհրաժեշտ է լրացնել և Բանկ ներկայացնել Բանկի կողմից հաստատված Գաղտնաբառի վերաթողարկման մասին դիմում-հայտը, որի հիման վրա Ձեզ կտրանմադրվի նոր գաղտնաբառ:
  • Արտասահմանում գտնվող Հաճախորդների դեպքում դիմում-հայտը ներկայացվում է Հեռահար սպասարկման համակարգին բաժանորդագրվելու հայտում նշված էլեկտրոնային հասցեից:
• Ինչ անել գաղտնաբառի գաղտնազերծման և/կամ կորստի դեպքում
  • Բանկի կողմից տրամադրված ծրագրային ապահովման միջոցների (այդ թվում՝ օգտագործողի անվան և գաղտնաբառի) գաղտնազերծման և/կամ կորստի դեպքում անհապաղ պարտավոր է գրավոր հայտնել Բանկին համապատասխան օգտագործողը կասեցնելու անհրաժեշտության մասին: